قد يكون المظهر خادعا

السلام عليكم ورحمة الله وبركاته ..

نرجع لاخيتي الحبيبة ..مرة سمعت القصة هادي وعلي فكرة هي صحيحة بس من الثرات الليبي

الجميل كان في بنت خطبوها اثيين من القبيلة واحد وسيم شكله حلو وطويل عريض والتاني

شكله شين ومش حلونهائي مش متوسط لا شكله وكلنا خلق ربي شنشوني علي قولة واحدة

نعرفها ربي يهديها ..

المهم جاها خوها وقاللها خطبك فلان وفلان وانتي شنو رايك ..قتله وانت شنو رايك قاله اني

الحق ماعندي مانقول فيهم الاتنين لكن واحد شكله احسن من التاني ..

قتله عندي فكرة وياريت توافق عليها شنو رايك تطلع انت واياهم زردة للبر يعني للصحراء

واني معاكم قاللها كيف قتله نلبس جرد تعرفوه.. ونثلتم وتقول هدا صاحبي مريض ما

يقدرش يتكلم ..وافق خوها .وتمت الرحلة وطلعوا الاربعة ..مشوا ...مشوا كل ما يبوا يوفقوا تقول

لخوها لا مازال بدي الحلو في العياط قاله شنو انت تحكم فينا بنوقفو وندبحوا الخروف

وفقوا ودبحوه الجميل مادورش الضيف بدي ياكل ويختار لروحه احسن اكل ويشوي واموره تمام

والشين يجيب للضيف المريض الاكل والشواء وهو اخر واحد خدي حصته بعد ما شبعوا كلهم

طبعا رقدوا في الصحراء ..الجميل رقد والله مادخله في واحد والشين شاف المكان ونضفه وعطي للضيف

جرده قاله انت مريض والليل برد واني عادي ..طبعا هي تسجل ..في كل شئ

وخطرت في بالها فكرة وهما في الصحراء خدت قربة المياه وسكبت منها عالرمل كأنها طاحت منها

كلهم عيطوا عليها حتي خوها الا الشين قالها عادي هدا المكتوب ومفيش مشكلة والحلو طاح فيها

عياط وشوي وضربها كان مش التانيين وقفوه وقاللوه راجل مريض

هي خلت شوية ماء تعرفوا شن دار الحليوه قاللها انتي مفيش ماء هدا لي اني وانتم تو نعطيكم

شوية بس والباقي ليا ..

تعرفوا الشين كان ياخد في حصته من الماء ويعطي فيها ليها هي طبعا متقولوش عرف انها بنت

لا معرفهاش بس شهامة منه وخاصة أنه ضيف ومريض ..يحسابها

المهم لما رجعوا قالت لخوها الجميل لو يوزني بالدهب مستحيل ناخده والشين لو يعيشني

في فقر طول عمري هو الي بناخده ..

ترا قولوا شنوا استفدوا من الحكاية كانها عجبتكم ... flower

زائر

ملاك انا مافهمت شي الحكي مغربي شي

في كلمات مافهمتها

شكرا الك ياريت تكتبيلي اياها وبكون ممنونتك

تحياتي ... نوراا الاموراا

» الجواب القاتل كيف يكون ؟؟؟؟؟؟؟؟؟؟؟؟؟؟
» لكي يكون كحل العين اسود ؟؟
» مااجمل ان يكون لك صديق ؟؟؟
» كيف يكون الإحترام سائداً بين الأعضاء
» كم تمنيت أن يكون هذا القلب قلبي !!