شوربة الكوسة بالكريمة والخضار بالبشاميل

هاااي احلى شباااب وصباابااا

النهارده عزومتكم عندي ويارب العزومه تنال اعجابكم

وهي عباره عن عصير التفاح بالزبادي، وطبق السلطة المشكّلة، وشوربة الكوسة بالكريمة، وصينية الخضار بالبشاميل، وصينية تفاح بالفواكه المجففة...

,,,

عصير التفاح بالزبادي

شوربة الكوسة بالكريمة والخضار بالبشاميل Sw

شوربة الكوسة بالكريمة والخضار بالبشاميل Sw

المقادير:

* 3تفاحات
* 1/2 كوب سكر
* كوب زبادي
* رشة فانيليا
* مقدار مناسب من المية

الطريقة:

اخطلي كل المكوّنات دي مع بعضها في الخلاط ، وبعد كده صبّيها في كوبايات العصير، وممكن تزيّني كل كوباية بشريحة من التفاح، .

,,,,,

شوربة الكوسة بالكريمة

شوربة الكوسة بالكريمة والخضار بالبشاميل Fwwq

شوربة الكوسة بالكريمة والخضار بالبشاميل Fwwq

المقادير:

* 3 ملعقة كبيرة زبدة
* فص ثوم مفروم ناعم
* بصلة متوسّط مفروم ناعم
* 3 ملعقة كبيرة دقيق
* 1/2 جزرة متوسّط مقطّعة إلى شرائح
* 5 ثمرات كوسة متوسطة مُقطّعة إلى شرائح
* 4 كوب شوربة فراخ أو لحمة
* ملح وفلفل
* فلفل رومي أحمر مُقطّع إلى مكعبات صغيرة للتزيين

الطريقة:

1- سخّني الزبدة على نار متوسطة، وضيفي إليها الثوم والبصل مع التقليب لمدة 4 دقائق.

2- ضيفي الدقيق مع التقليب لغاية ما كل المكوّنات تتجانس مع بعضها، وبعد كده ضيفي الجزر والكوسة.

3- ضيفي الشوربة مع الاستمرار في التقليب؛ علشان مفيش أي كتل تتكوّن، وغطّي الحلة، وسيبيها على نار متوسّطة لمدة 15 دقيقة أو لغاية ما الكوسة تستوي مع الاستمرار في التقليب من حين لآخر.

4- ارفعي الخليط من على النار، وسيبيها تبرد شوية، وبعد كده اضربيه في الخلاط الكهربائي، لغاية ما كل المكوّنات تمتزج مع بعضها.

5- بعد كده حطّي الخليط مرة تانية على نار متوسّطة، وممكن تضيفي شوية شوربة أو مية أو لبن لتخفيف كثافة الشوربة، وبعد كده تبّليها بشوية ملح وفلفل وقدّميها..

,,,,,

طبق السلطة المشكّلة

شوربة الكوسة بالكريمة والخضار بالبشاميل Erw

شوربة الكوسة بالكريمة والخضار بالبشاميل Erw

المقادير:

* بصل أخضر أو بصل عادي
* ملعقة خل أو عصير ليمونة
* ملعقة كبيرة زيت زيتون
* جبنة مقطّعة مكعبات
* بقدونس مفروم
* زيتون أسود
* ملعقة زيت
* طماطم
* فجل
* خيار
* كرفس
* خس
* ملح

الطريقة:

هاتي الخضراوات دي كلها، واغسليها، وبعد كده قطّعيها شرائح، وبعد كده حطّيها في طبق السلطة، وحطّي عليها الزيتون والجبنة والزيت والخل أو الليمون و الملح..

,,,,

خضار بالبشاميل

شوربة الكوسة بالكريمة والخضار بالبشاميل Rte

شوربة الكوسة بالكريمة والخضار بالبشاميل Rte

المقادير:

* كيلو كوسة
* 1/2 كيلو بسلة
* 3 جزرات
* 2 حبة بطاطس
* 1/2 كيلو لحمة مفرومة معصجة

مقادير البشاميل:

* 1/2 كوب دقيق
* 4 ملاعق سمن
* 3 كوب لبن
* 2 بيضة
* ملح وفلفل

طريقة عمل البشاميل:

1- سخّني السمنة في صينية، وبعد كده حطي الدقيق، وقلّبي السمنة مع الدقيق كويس لغاية لما تلاقي لون الدقيق بدأ يصفر.

2- ضيفي اللبن على الدقيق مع التقليب المستمر، لغاية ما تلاقي العجينة أصبحت سميكة نوعاً ما، وده علشان تتماسك مع الخضراوات، وبعد كده شيليه من على النار.

3- بعد ما البشاميل يبرد، هاتي البيض وحطيه في طبق، واضربيه بالمضرب مع الملح والفلفل، وبعد كده ضيفيه للبشاميل.

طريقة عمل الخضار مع البشاميل:

1- قطّعي الخضار، وبعد كده اسلقيه مع شوية شوربة، وبعد ما تسلقيه صفّيه من المية اللي فيه في المصفاة.

2- بعد كده هاتي صينية، وادهنيها بشوية بشاميل، وبعد كده هاتي الخضار، ورصّي نصفه في الصينية، ومن فوقه حطي اللحمة المفرومة المعصّجة، وبعد كده حطي باقي الخضراوات، وبعد كده حطي البشاميل على الوش.. وبعد كده دخليه الفرن على نار هادئة لغاية ما لونه يحمر وبعد كده خرّجيه..

,,,,,

التفاح بالفواكه المجففة

شوربة الكوسة بالكريمة والخضار بالبشاميل Dfwe

شوربة الكوسة بالكريمة والخضار بالبشاميل Dfwe

المقادير:

* كوب مشمش مجفف
* كوب قراصية منزوعة البذر
* 8 حبات تفاح أصفر متوسّط الحجم
* 2/1 كوب عصير ليمون
* 50 جم زبدة
* 3 ملاعق كبيرة قرفة
* 3/2 كوب سكر
* 2/1 كوب زبيب

الطريقة:

1- قطّعي المشمش والقراصية إلى قطع متوسّطة الحجم، وحطّيهم في طبق، واخلطيهم بالسكر، وقلّبيهم مع بعض كويس.

2- هاتي التفاح، وقشّريه، وبعد كده شيلي قلب التفاح مع الاحتفاظ بالتفاحة كاملة.

3- هاتي عصير الليمون، وادهني التفاح من بره، ومن جوه باستخدام فرشاة رفيعة.

4- ادهني صينية الفرن بالزبد، ورصّي فيها التفاح واقفاً، وحطّي جوه كل تفاحة ملعقة صغيرة من خليط السكر والمشمش والقراصية، ورشّي باقي الخليط في الصينية.

5- هاتي الزبدة، وقطّعيها إلى مربعات، وحطّيها على التفاح وفي الصينية.

6- سخني الفرن إلى 180 - 200 درجة مئوية، ودخّلي صينية التفاح في الفرن، وسيبيها لمدة ربع ساعة، وأول ما تلاقي إن التفاح بقى لونه ذهبي طلّعيه، وحطّيه في طبق التقديم، وممكن تزيّنيه بالكريم شانتيه من على الوش..

ياارب الوصفات تكون عجبتكم وبالهنا والشفا

الاكل كله بيجنن
بس اعفيني من الكوسه لاني ما بحبها
وشكرا على العزومه اكيد بجي
تسلم اديكي ياقمر

زائر

والله سيرة الاكل بتخلي الواحد يجوع , منظر الاكل كتير حلو

تسلم هالديات ... رايحه اكل هههههههه

ربي يسلم هالإيدين يا نوران
أنا بضمنلك قد ما كانت هالأكلة طيبة...إذا أنا عملتها رح تطلع أطيب
:!: :!: :!:

شـــــــــــــــــــــكراً كتير

أميرة الأحلام كتب:: الاكل كله بيجنن
بس اعفيني من الكوسه لاني ما بحبها
وشكرا على العزومه اكيد بجي
تسلم اديكي ياقمر

الله يسلمك حبيبتي

خلاص قوليلي بتحبي ايه اعملهولك

وثااانكس ع مرووورك الجميل ياجميل

nora كتب:: والله سيرة الاكل بتخلي الواحد يجوع , منظر الاكل كتير حلو

تسلم هالديات ... رايحه اكل هههههههه

هههههههههههههه ده احسن قرار اخدتيه

بالهنا على قلبك ياقلبي

اسعدني مررروك الجمييل

Prince Of Silent كتب:: ربي يسلم هالإيدين يا نوران
أنا بضمنلك قد ما كانت هالأكلة طيبة...إذا أنا عملتها رح تطلع أطيب
:!: :!: :!:

شـــــــــــــــــــــكراً كتير

أكيـــــد طبعآآ ولــــو

خلص العزومه الجايه عندك Wink

:

شوربة الكوسة بالكريمة والخضار بالبشاميل 28307

!:

اسعدني مروورك الجميل احلى برنس

يمي يمي هالأكل بيشهي
يلا جاية استقبليني

يسلمو ايديكي ع الوصفات الرائعة

Rima كتب:: يمي يمي هالأكل بيشهي
يلا جاية استقبليني

يسلمو ايديكي ع الوصفات الرائعة

الله يسلمك ياقمرااايه كلك ذووق وتنوري الدنيا كلهاا ياحبي

اسعدتني طلتك الجميله زيك

мάgiċαł ♥ яoŝє كتب:

الله يسلمك نبيله

ثاانكس لمروووورك الرقيق زيك

» شوربة الفطر بالكريمة
» شوربة العدس والباستا والخضار
» شوربة المشروم
» فاهيتا الدجاج والخضار
» شوربة بالفطر والحليب