تعابيري وطن.. والحزن.. حاميها / حراميها

على عزف الحـزن. بـ.. (شويش)لا تقسى على الاوتار
جميله هي لحون الحـــــزن لو يحزن مغنيها !
تماثل لـ.. ( الشفا ) ،جرح و نزف جرح و بدأ مشوار
تنازل بادي جروحي.. و خلاني لـ.. ( تاليها ) !
حزين و حزني أكثر شيء.. يجبرني على الاصرار
لـ.. ( بسمه) خلفها الاحساس.. ما يشبه معانيها
كرهت الدار.. من غنا على سمعي حمام الدار
يفتش عن جروح العام و الايام.. تطويها
غريب الدار لو هو مغترب.. ماهو غريب اطوار
تعابيري وطن.. والحزن.. حاميها / حراميها
على ارض الواقع.. ظروف الحياة تمثل الاسوار
وانا اسوار الحياه الشاهقه.. وشلون أعديها ؟
يهونها علي وصال.. من وصله.. سحب و امطار
ادور راحتي وليا حضر.. بانت مواريها !
تعبتك حزن.. يا اوضح سر.. كنيتك عن الاسرار
وانا ادري كل نبره حزن مني ما تدانيها
و مع كل الظروف القاسيه.. يا اجمل الاقدار
شف احلامي على اسمك من غلاتك قمت اسميها..
فديتك.. لو لقيتك.. فـ.. ( السنين ) اللي مضت ما طار
من غصوني.. عصافير.. إنكسرصوتي يناديها
والا يا مصدر الالهام.. شوقي من لهيب النار
لكن ماهو مثل :و النار تحــــرق رجل واطيها
لا والله ! تحــرق اعصاب البني ادم.. لين ما ينهار
ويقول : النار فالاشواق.. تحرق قلب راعيها
●●●●●●●●●●●●
ممارآق لي