إضطهاد الطالبات وتدليع المعلمات ( 2 )‎

الموضوع الأول أثار حفيظة الكثير والحين تفضلوا الجزء الثاني

***

طالبه مجتهده تتعب وتدرس وتسهر على الكتب وتتخرج بإمتياز وآخرتها تنطق في بيت أهلها لأن مالها مكان في أي مدرسه بسبب إن المعلمات كبيرات السن اللي أكل الدهر عليهم وشرب جالسين على قلوب الخريجات ولا همهم إلا الراتب اللي ياخذونه آخر الشهر

المعلمه أو المديره وأقصد كبار السن متى يقتنعون ان الوقت حان لتغييرهم ومتى يتقاعدون ويفتحون المجال للدماء الجديده والعقول المتجدده

الحين ايش فايدة ان الطالبه تدرس وتتخرج وهي عارفه ان مالها وظيفه

تخيلوا ان فيه معلمات مر عليهم طالبات وكبروا الطالبات وتزوجوا وجابوا بنات ودرسوا بناتهم عند نفس المعلمه اللي درست امهاتهم

ما نجحد قيمة المعلمه وأهميتها وكثر الله خيرها بس لازم يكون فيه قرار من الوزاره يضع حد لسن المعلمه

الزمن تغير والأفكار التعليميه للأسف مكانك سر والسبب تلاقونه عند العقول القديمه

المعلمه مستحيل تتقاعد من نفسها إلا بسبب طبي
أو زوجها طلب منها أما غير ذلك فالمعلمه متشبثه بالوظيفه

أتمنى من الوزاره تحدد سن أقل من الحالي لتقاعد المعلمه والإداريه أيضاً

ارى من وجهة نظري ان سن 40 مناسب لكي نقول للمعلمه كثر الله خيرك روحي لبيتكم وتفرغي لعيالك ولزوجك

خريجه جامعيه بدرجة إمتياز جالسه عاطله في بيتهم أو متوظفه في مدرسه أهليه براتب 2000 ريال وفي المقابل نلاقي معلمه شهادتها من أيام الكتاتيب وماعندها أفكار جديده متوظفه براتب 10000 ريال
( شي يقهر الصراحه )
,,

اذا حبينا نطور تعليمنا لازم أول شي نوفر بيئه تعليميه نموذجيه ونوفر كوادر مؤهله بعدين نطور المناهج لأن المناهج مهما تطورت ماراح نستفيد منها إذا كانت العقول المنفذه لها تعطلت عن العمل